Бұл туралы Спорт комитетінің бас маманы Елдос Чекенов мәлім етті.
«Халықаралық спорттық арбитраждық соттың мәліметі бойынша, Винокуров ағымдағы жылдың шілде айының 27-сіне дейін веложарыстарға қатысудан шеттетілген. Қазір біз ол жақтан ресми қағаздар (шешім) күтіп отырмыз. Құжаттардың электрондық үлгілері қолымызда», деп түсіндірді Елдос Чекенов.
«Спортшы Қазақстанның атынан өнер көрсетуге ниет білдірді. Бірақ қай командаға баратыны әзірге белгісіз. «Астанаға» барып қалатын шығар», -деп пайымдайды Спорт комитетінің бас маманы.
Спортшыны екі жылға жарысқа қатыстырмау туралы шешімнің күші 2009 жылы шілденң 24-інде бітетіні туралы ақпараттар спорттық интернет-ресурстарда пайда болған еді. Винокуров қан допингі үшін 2007 жылдың желтоқсан айында жарыстардан шеттетілген болатын.