Қазақстанның Сыртқы істер министрі Өзбекстан мен Тәжікстанға сапарлайды
14:09, 26 Наурыз 2013
АСТАНА. 26 наурыз. ҚазАқпарат - Қазақстанның Сыртқы істер министрі Ерлан Ыдырысов жұмыс сапарымен Өзбекстанға, одан кейін ресми сапармен Тәжікстанға барады.
Бүгін Астанада ҚР Президенті жанындағы Орталық коммуникациялар қызметінің ресми өкілі Алтай Әбибуллаев дәстүрлі апталық брифинг барысында осылай мәлім етті.
«Ертеңге жоспарланған Өзбекстан Республикасына жасайтын жұмыс сапарынан кейін Ерлан Ыдырысов 28 наурызда ресми сапармен Тәжікстан Республикасына барады. Бұл Ерлан Ыдырысовтың Ташкент пен Душанбеге Қазақстанның сыртқы саясат ведомствосының басшысы ретіндегі алғашқы сапары», - деді ресми өкіл.