Бұл туралы бүгін Астанада Математика, физика, химия және биологиядан ІІІ Президенттік олимпиаданың салтанатты ашылуында Білім және ғылым министрі Бақытжан Жұмағұлов мәлім етті.
«Қазақстанның Тәуелсіздігін нығайту - еліміздің болашақ интеллектуалдар элитасын қалыптастыруымен тікелей байланысты. Сондықтан біз министрлік тарапынан дарынды балалар мен жас таланттар шығырмашылығын дамытуға жағдай жасауға бағытталған оң шараларды қолдаймыз»,- деді министр.
Осы орайда ведомство басшысы әр жылдары жоғары деңгейде химиядан мектеп оқушылары арасында Менделеев олимпиадасы, физикадан - Азия олимпиадасы, Халықаралық математика олимпиадасы, сондай-ақ информатикадан Еуразия олимпиадасы өткізілгенін жеткізді. «Атап айтқанда информатикадан халықаралық олимпиаданың ұйымдастырушы комитеті 2016 жылы бұл білім сайысын Қазақстанда өткізуді ұсынып отыр»,-деді Б. Жұмағұлов.
Айта кетейік, 10-12 желтоқсан аралығында болатын математика, физика, химия және биологиядан 11-сынып оқушылары арасындағы бұл олимпиада «Назарбаев Университеті» базасында өтеді. Президенттік олимпиаданы өткізу ережесіне сәйкес, министрліктің І дәрежелі дипломдармен марапатталған жеңімпаздар «Болашақ» стипендиясын бекітуде, ал ІІ және ІІІ дәрежелі дипломдармен марапатталған жүлдегерлер еліміздің жоғары оқу орындарына түсу кезінде білім гранттарын тағайындауда басымдыққа ие болмақ.