«Қазақстанның Түркиядағы дипломатиялық қызметінің өкілдері көмекке зәру болып отырған қазақстандық отбасыларының балаларына қажетті киім-кешек алып, Ыстанбұлдан салып жіберді. Осыған орай дипломаттармен жиын өткізген Қазақстанның Түркиядағы Елшісі Абзал Сапарбекұлы «Отан отбасынан басталады» деген қағидаға баса назар аудара отырып, еліміздің болашағы - балалардың мүшкіл жағдайына немқұрайлы қарай алмайтындығын жеткізді», - делінгне ФБ жазбада.
«Қазақстанның әрбір азаматы өз отбасынан бастап, еліміздің болашағы үшін жауапты. Болашақтың жарқын болуы жас ұрпақтың өсіп-өркендеуіне, салауатты өмір кешуіне байланысты. Осы себептен қорғауға және көмекке зәру болып отырған жағдайы нашар отбасыларына қол ұшын беру бәрімізге ортақ парыз», - деген Елші көмекке мұқтаж жандардың қасынан табыла білген дипломаттардың осы қайырымдылық ісіне ризашылығын білдірді.