АСТАНА. Қаңтардың 30-ы. ҚазАқпарат - Қазақстанның ұлттық құрамасындағы велошабандоздары наурыз айының 1-7-сі аралығында Малайзияда өтетін «Лангкави туры» көпкүндігіне қатысады. Бұл ақпаратты «Біздің спорт» сайты таратып отыр.
Аталған ақпарат агенттігінің жазуынша, біздің спортшылар қаңтар айының басынан бері Ыстықкөлде оқу-жаттығу жиынын өткізіп жатыр. Ұлттық құрама сапына 9 велошабандоз енген, оның 6-уы малайзиялық турға қатысады.
Мына спортшылар: Дмитрий Груздев, Назар Жұмабеков, Александр Шушемоин, Роман Жиентаев, Руслан Тілеубаев, Александр Дымовских, Сергей Кузьмин, Мерей Қаһарман және Әбдірайымжан Ишанов Қазақстанның ұлттық құрама сапына кіріп отыр.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.