«30 тамыз күні біз жаңа 3D-кинозалды ашамыз. Одан музей қонақтары еліміздің қасиетті жерлерін тамашалай алады. Біздің базамызда Қазақстанның 200 қасиетті орны бар. Мысал ретінде айтар болсақ олар: Қожа Ахмет Ясауи кесенесі, Ұлытау, Тамғалы тас және басқалар», деді ҚР Ұлттық музейі директорының орынбасары Алмаз Нұразхан.
Ол сонымен қатар 3D-залға виртуалды экскурсия жүргізуші мен tоuch-панель орнатылатынын айтты. Ол жерден музей экспонаттарын цифрлық форматта көруге болады.
Осыған дейін Қазақстанда 30 тамыздан бастап «Музейлер шеруі» атты жалпыреспубликалық акция басталатындығы хабарланды.