АСТАНА. ҚазАқпарат - Қазақстанның үш дүркін чемпионы Жан Кособуцкий кәсіпқой бокстағы үшінші кездесуін өткізеді. Жекпе-жек 21 желтоқсан күні Мәскеу қаласында болады, деп хабарлайды ҚазАқпарат.
Отандасымыздың қарсыласы украиналық Алекснадр Нестеренко. Ол кәсіпқой бокста 17 кездесу өткізіп, тоғызында жеңіске жетсе, сегіз кездесуде жеңіліс тапқан. Жекпе-жек Мәскеу қаласындағы «Крылья Советов» спорт кешенінде ұйымдастырылады. Кездесу сегіз раундқа жоспарланып отыр.
Айта кетейік, Кособуцкий кәсіпқой бокстағы соңғы жекпе-жегін қараша айында беларусь боксшысы Олег Заблотскийге қарсы өткізіп, жеңіске жеткен еді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.