Бұл туралы университеттің баспасөз қызметінен хабарлады.
Қ.Есекеевпен жүздескен «Радиотехника, электроника және телекоммуникациялар» мамандығында білім алатын студенттерді негізінен, Wi-Fi және Wi-Max технологиясының дамуы, акционерлік қоғамның шетелдік кәсіпорындармен ықпалдастығы мәселелері қызықтырды. Одан бөлек «Қазақтелеком» АҚ-да өндірістік тәжірибе неліктен ақылы түрде өткізілетіндігі төңірегінде әңгіме қозғалып, келешекте абитуриенттерге грант алу мүмкіндігімен үздік оқитын оқушылар арасында байқау өткізіп тұру ұсынысы жасалды.
Басқарма төрағасы сондай-ақ, бүгінгі еңбек нарығында инженер мамандығына сұраныстың көптігін және олар әкімшіліктік-коммутациялық құрылғылар мен телекоммуникациялық жүйелерді бағдарламалау элементтерін жетік білуі қажеттігін атап өтті.
Келешекте ҚазАТУ ректоры А. Күрішбаев пен «Қазақтелеком» АҚ-ның Басқарма төрағасы Қ.Есекеев екіжақты ынтымақтастық меморандумына қол қою туралы келісті. Меморандум мақсаты - білім және тәжірибе алмасу, сонымен қатар ақпараттық және телекоммуникациялық технологиялар саласындағы мамандар дайындауда сапалы білімді қамтамасыз ету. Сондай-ақ меморандум университеттің ғимараттары мен жатақханаларында интернет байланысының сапасын жақсартуды көздейді.