Оның осы жолғы сапарына Лев Гумилев атындағы Еуразия ұлттық университеті демеушілік жасап отыр. Сол себепті марафоншы бүгін университет алаңынан жолға шықты. «Менің мақсатым - Қазақ елін әлемдік қоғамдастыққа таныту, Қазақстан-Қытай арасындағы халықаралық ынтымақтастықты арттыру және «ЭКСПО-2017» мамандандырылған халықаралық көрмені насихаттау. Сол арқылы өсіп келе жатқан жас ұрпақтың бойына патриоттық сезім ұяласа екен деймін", - деді Д. Иманқажы.
Жолдың қашықтығы - 6200 шақырым. Марафоншы Қазақстанда Астана-Новомарковка-Ерейментау-Шідерті-Төртқұдық-Ақсу-Қызылқоғам-Канонерка-Семей-Шар-Қалбатау-Көкпекті-Ақмектеп-Зайсан-Майқапшағай бағытымен жүрсе, Қытай Халық Республикасында Зимунай-Үрімші-Шаньси арқылы Бейжіңге барады.