деп хабарлайды ҚазАқпарат.
Ж.Құрманғазиевтің айтуынша, Бозарық қорығында жүргізілген қазба жұмыстары кезінде осыдан 2,5 мың жыл бұрын тоқылған ең ежелгі кілемдердің қалдықтары табылған. Олар қазір Санкт-Петербордағы «Эрмитажда» сақтаулы. «Ең қызығы,- дейді ол, - сол кездегі кілемдерде қолданылған белгі-символдар қазіргі қазақ кілемдерінде дәлме-дәл кездеседі.
«Бұл - кілем тоқу өнерінің 2,5 мың жыл бойы ұрпақтан-ұрпаққа беріліп келе жатқанынын белгісі. Апа-әжелеріміз олардың терең мағынасын білген және үйде құт-береке болсын, - деп кілемдеріне түсіріп отырған», - деді ол.
Зерттеушінің айтуынша, қазіргі ұрпақ та кілемдерде қолданылған және қолданылып келе жатқан ою-өрнектердің мән-мағынасын түсінуі қажет. Мәселен, қазақтың барлық дерлік кілемдерінде кездесетін «қошқар мүйіз» оюы, оның пікірінше - тау ішінен шығып келе жатқан адамды бейнелейді. Сол сияқты «ромб» тәрізді белгілер - пирамиданың үстінен қарағандағы көріністі береді. Яғни бұл - таулар, ал таулар - атам-заманнан бері ұлы тұлғалар, белгілі қолбасшылар тағдырында маңызды рөлдер атқарған.