ҚЫЗЫЛОРДА. ҚазАқпарат - Қызылорда облысы Қазалы ауданында қатты желдің салдарынан бірқатар нысандардың шатырына зиян келді, деп хабарлайды ҚазАқпарат тілшісі.
Оқыс оқиға 13 ақпанда аудан орталығы мен Бозкөл ауылында болды.
«Қатты желдің салдарынан Қазалы ауданының орталығы Әйтеке би кентіндегі «РЗА дүкені» сауда үйі мен Бозкөл ауылындағы №96 мектептің шатырына зиян келтірген. Оқыс оқиғадан зардап шеккендер жоқ. Мамандар шұғыл қайта қалпына келтіру шаралары бойынша тиісті жұмыстар атқаруда», - деп мәлім етті Қазалы ауданы әкімдігінен.
Еске салсақ, бұдан бұрын Қызылордада көкөніс алып келе жатқан жүк көлігі өртенді.
Оқиға 13 ақпанда сағат 22.00 шамасында «Самара-Шымкент» тас жолының Жаңақорған ауданы Бірлік ауылы тұсында болған.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.