ОРАЛ. 31 қаңтар. ҚазАқпарат /Елжан Ералы/ - Қазан қаласында аяқталған допты хоккейден әлем чемпионатында қазақстандықтар төртінші орынды иеленді.
Қазақстан құрамасы кеше қола жүлде үшін бәсекеде бұрынғы әлем чемпионы Швеция құрамасына 3:14 есебімен ұтылды. Финалда ресейліктер финдерді 6:1 есебімен тізе бүктіріп, екі жыл өткен соң чемпиондық атақты қайтарып алды.
Қазақстан құрамасы сапында Оралдың «Ақжайық» хоккейшілері де өнер көрсетті. Енді осы «Ақжайық» ойыншыларынан құралған Қазақстан құрамасы Алматыдағы «Медеу» мұз айдынында Азия ойындарының алтын жүлдесін сарапқа салады. Алексей Никишов бастаған бапкерлер жаттықтыратын Қазақстан құрамасының бұл сында жеңіп шығатыны күмәнсіз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).