Оған ҚР Сыртқы істер министрінің орынбасары Қайрат Омаров, Нагасаки қаласының мэрі Томихисо Тауэ, БҰҰ Резидент-үйлестірушісі - Қазақстандағы БҰҰ-ның Даму бағдарламасының тұрақты өкілі Стивен Тулл қатынасты. Бұл шара кезінде жас қылқалам иелері ҚР Сыртқы істер министрлігінің Құрмет дипломдарымен марапатталды. Сондай-ақ «Қазатомөнеркәсіп» ҰАК» АҚ Басқарма төрағасы Владимир Школьник байқау жеңімпаздарына «iPad» планшеттерін табыс етті.
Жалпы бұл байқауды ҚР Сыртқы істер министрлігі Қазақстандағы Біріккен Ұлттар Ұйымының өкілдігімен, «Невада-Семей» Халықаралық антиядролық қозғалысының, Қазақстанның азаматтық альянсының, «Балдәурен» республикалық оқу-сауықтыру орталығының және «Қазатомөнеркәсіп» ұлттық атом компаниясының қолдауымен ұйымдастырған еді. «Қазатомөнерксіп» ҰАК» АҚ-ның баспасөз қызметі таратқан хабпарламға қарағанда, 1-23 қыркүйек аралығында өткен бұл байқауға еліміздің барлық өңірлерінен 420-дан астам жұмыс келіп түскен. Қазылар алқасы олардың арасынан «Үздік шығарма» аталымында Шығыс Қазақстан облысы, Зайсан ауданы, Айнабұлақ аулындағы орта мектептің 9 «б» сыныбының оқушысы Ақмарал Манапованы жеңімпаз деп таныды. 2-3 орынды Алматы қаласындағы №32 мектептің 11 «в» сыныбының оқушысы Дінислам Бекқалиев пен Шығыс Қазақстан облысы, Абай ауданы, Қарауыл аулындағы орта мектептің 10 сынып оқушысы Жайнар Назымқызы өзара бөлісті. Ал «Үздік сурет» аталымында 1-орынды Тараз қаласындағы №43 орта мектептің 2 сынып оқушысы Санжар Бегайдаров иеленді. 2-3 орындарға Қостанай облысы Жетіқара қаласындағы гимназияның 7 сынып оқушысы Жанат Темірханов пен Қарағанды қаласындағы мектеп-лицейдің 8 сынып оқушысы Мұхтар Серіков лайық деп табылды.