АСТАНА. KAZINFORM - Бюджет қаражатын аса ірі мөлшерде жымқырды деген күдікпен «ҚазАвтоЖол» ҰҚ» АҚ-ның экс-басқарма төрағасы А.Муратұлы ұсталды. Бұл туралы Қаржылық мониторинг агенттігінің баспасөз қызметі мәлімдеді.
Астана қаласы бойынша Экономикалық тергеп-тексеру департаменті Бас көлік прокуратурасымен бірлесе отырып, бір көзден алу жолымен бюджеттік қаражатты аса ірі мөлшерде жымқыру күдігімен «ҚазАвтоЖол» ҰҚ» АҚ-ның экс-басқарма төрағасы А.Муратұлын ұстады.
Сотпен күдіктіге қатысты 2 ай мерзімге «күзетпен ұстау» түріндегі бұлтартпау шарасы санкцияланды.
ҚР ҚПК 201 бабына сәйкес, өзге мәлімет жариялануға жатпайды.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)