Оқу-жаттығу 2014 оқу жылының жауынгерлік дайындық жоспарына сәйкес, «Көктал» оқу-жаттығу орталығында өткізілді. Жеке құрам әскери техникалармен Қапшағай қаласы - Сарыөзек кенті - «Көктал» оқу орталығы бағыты бойынша және кері қарай 600 шақырымдық марш жасады. Жаттығуға батальонның үш десанттық шабуылдау ротасы мен 60-қа жуық жауынгерлік техникасы қатысты. Роталық-тактикалық жаттығуға батальон командирі подполковник Болат Дүйсембаев жетекшілік етті» делінген ҚР Қорғаныс министрлігі баспасөз қызметінің мәліметінде.
Марш кезінде жүргізушілер таулы аймақтардан, бірнеше асулардан өтіп әскери техниканы басқару шеберліктерін шыңдады. Десанттық-шабуылдау роталары жаттығуды барлық штаттық атыс қаруынан жауынгерлік оқ атуымен аяқтады.
Бітімгершілік батальонының жеке құрамы жаттығу кезінде берілген тапсырмаларды бұлжытпай орындап, жоғары нәтижелерге қол жеткізді. Әсіресе, арнайы мақсаттағы бірінші десанттық-шабуылдаушы ротасының лейтенант Нұрлан Төлегенов бастаған взводы жіті іс-қимылымен ерекше көзге түсіп, алдарына қойылған міндеттерді орындаудағы шеберлігімен көзге түсті.
Сондай-ақ аэроұтқыр әскерлерінің бітімгершілері сәуір айының екінші жартысында өткізілетін бригадалық-тактикалық оқу-жаттығуға қатысатын болады.