Қазгидромет 12 қаңтарға арналған ауа райы болжамын ұсынды

АСТАНА. KAZINFORM — Қазақстан аймақтарында 2025 жылғы 12 қаңтарда болатын қауіпті метеорологиялық құбылыстарға болжау консультация жарияланды.

Синоптиктердің болжамына сәйкес, кең антициклонның әсерінен елдің көп бөлігінде жауын-шашынсыз ауа райы күтіледі. 

— Қазақстан Республикасының солтүстігінде, шығысында атмосфералық фронтальды бөлімдер өткеннен кейін ғана аздаған қар жауады. Республика бойынша тұман күтіледі, — делінген хабарламада.

Еске салсақ, осыған дейін ауа райының қолайсыздығына байланысты Батыс Қазақстанда үш автожол жабылғанын жазған едік.

Сондай-ақ, Қостанай қаласында қаңтар айында температура рекорды жаңарғанын хабарладық.