Көптеген жерлерде жел күшейіп, Шығыс Қазақстанда шаңды дауыл болады. Ақмола, Қостанай, Қарағанды, Шығыс Қазақстан, Жамбыл, Маңғыстау облыстарында, ал күндіз Солтүстік Қазақстан, Оңтүстік Қазақстан, Қызылорда, Шығыс Қазақстан, Атырау облыстарының кей жерлерінде желдің екпіні секундына 15-20 метрге дейін жетеді. Сондай-ақ «Қазгидромет» РМК алдағы тәуліктерде Петропавл қаласынан төмендегі Есіл өзенінде көктемгі судың жайылуы артып, судың тасуы мен су деңгейінің көтерілуі сақталатынын ескертеді. Ал республикамыздың оңтүстік, оңтүстік-шығыс және шығыс өңірлерінде су көлемі көбейеді.
05:44, 06 Мамыр 2014
Қазгидромет: Бүгін еліміздің шығыс өңірінде шаңды дауыл соғады
АСТАНА. ҚазАқпарат - Атмосфералық ауа ағымының басым болуына байланысты еліміздің көптеген аймақтарында күн күркіреп, жаңбыр жауады, деп күтілуде деп хабарлайды «Қазгидромет» РМК.