ТҮРКІСТАН. ҚазАқпарат-Түркістан қаласындағы «Әзірет Сұлтан» әуежайынан «Түркістан-Эль-Кувейт» бағытында алғашқы жолаушылар сапарға шықты, деп хабарлайды ҚазАқпарат тілшісі.
Бұдан былай қажылыққа барғысы келетін қазақстандықтар Түркістан қаласындағы Халықаралық әуежайдан ұша алады. Рейстер аптаның сейсенбі және жексенбі күндері «Airbus-320» ұшағымен орындалады. Билет құнын 150 000 теңгеден бастап белгілеп отыр.
Компания өкілдерінің сөзінше алдағы уақытта рейстер саны ұлғайтылуы мүмкін. Бұл Қазақстан мен Кувейт арасындағы сауда-экономикалық, іскерлік, инвестициялық, мәдени және туристік өзара қарым-қатынастардың одан әрі дамуына ықпал етпек.
Фото: gov.kz
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.