ПАРИЖ. KAZINFORM – Франция астанасы Париж қаласында өтіп жатқан Олимпиада ойындарында қазіргі бессайыстан қазақстандық спортшы Георгий Борода-Дудочкин жартылай финалдық бәсекеге қатысты.
Бұл бәсекеде қазақстандық бессайысшы 1452 ұпай жинады. Жартылай финалда ол 16-орынға жайғасты.
Финалға шығу үшін бұл жеткіліксіз. Себебі, ақтық сынға алғашқы тоғыз спортшы ғана жолдама алды.
Бірінші жартылай финалда олимпиадалық рекордты орнатып, 1516 ұпай алған египеттік Ахмед Эльгенды көш бастап тұр.
Айта кетейік, кеше 8 тамызда Георгий Борода-Дудочкин ерлер арасындағы жарыста рейтингтік раундта 36 спортшының ішінде 35-орынға тұрақтады. Ол 10 рет жеңсе, 25 мәрте жеңіліп, 175 ұпай жинады.
Айта кетейік, әзірге Қазақстан құрамасының қоржынында 1 алтын, 3 күміс, 3 қола жүлде бар.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.