Қабылдау комиссиясына кешен жұмысы көрсетілді, «Ғарыш байланысының республикалық орталығы» АҚ және академик М.Ф.Решетнев атындағы «Ақпараттық спутниктік жүйелер» ААҚ өкілдерінің баяндамалары тыңдалды. Қабылдау комиссиясы «KazSat-3» ғарыштық байланыс жүйесін құру жобасының аяқталуы бойынша нәтижелерді қабылдау туралы актіге қол қойды, деп хабарлады «Қазғарыш» баспасөз қызметінен. «KazSat-3» ҒА штаттық режімде жұмыс істейді. Бірінші болып «KazSat-3» спутнигінің қызметін «Astel» АҚ және «2DayTelecom» ЖШС қазақстандық байланыс операторлары пайдаланды. Осылайша, Мемлекеттік комиссияның шешімімен «Ғарыш байланысының республикалық орталығы» АҚ «KazSat-3» ҒА жерсеріктік ресурсының қызметін коммерциялық тұрғыда жүзеге асыруға кірісті.
21:07, 26 Қаңтар 2015
«KazSat-3» ғарыштық байланыс жүйесін құру жобасы нәтижелерін қабылдау актісіне қол қойылды
АСТАНА. ҚазАқпарат - 23 қаңтарда «Қазғарыш» төрағасының орынбасары Е.Шаймағамбетовтың басшылығымен ҚР Инвестициялар және даму министрлігінің Аэроғарыш комитетінің бұйрығымен құрылған қабылдау комиссиясы Ақкөл қаласындағы ғарыш аппараттарын жерде басқару кешенінде болды.