ҚАЗЫҒҰРТ. ҚазАқпарат – Түркістан облысында «Қазақстан Республикасының Тәуелсіздігінің 30 жылдығына – 30 нысан» іс-шарасы жалғасып жатыр, деп хабарлайды ҚазАқпарат тілшісі.
Іс-шаралар аясында Шарбұлақ, Құларық, Тесіктөбе елді мекендерінде жаңа көпірлер пайдалануға берілді.
Нысандардың ашылу рәсіміне зиялы қауым өкілдері мен ақсақалдар қатысып ауыл тұрғындарын айтулы мерекемен құттықтады.
Бұған дейін бұл ауылдарда сапалы көпір болмаған. Жергілікті тұрғындар арасында «темір көпір» деп аталып кеткен, бір ғана көлік сиятын көпірлер бар еді.
Оның өзі ескіріп, қауіпсіздік талаптарына сай болмай шыққан.
Осыны ескерген жергілікті әкімдік елдің тілегін орындап, жаңа көпір тарту етті.
Облыстық мәслихат депутаттары да игі іске қолдау білдірген.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.