Жәрмеңкеге 18 жұмыс беруші мекеме қатысты. Олардың тарапынан 65 бос жұмыс орны ұсынылды.Ал, жұмыс іздеп келгендердің дені - кәсіби мамандықтары бойынша қайта даярлау курсын бітіріп келгендер болды.
Сала мамандарының сөзінше, жәрмеңке жұмыс іздеп жүрген аудан тұрғындарына, олардың ішіндегі мүмкіндігі шектеулі азаматтарға кәсіпорындар мен мекемелердегі бос жұмыс орындарын ұсынып, жұмыссыздарға бағыт береді. Өз мамандықтары бойынша жұмысқа орналасуына ықпал етеді.
Айта кетсек, үстіміздегі жылы аталған аудан бойынша жұмыс беруші мекемелердің сұранысына сәйкес, 434 азамат қысқа мерзімді оқу курсына жіберілді. Олар 14 мамандық бойынша оқып, кәсібіне сәйкес жұмысқа орналасты. Жәрмеңкеде 57 азамат тұрақты жұмысқа жолданды. Тағы 8 тұрғын қоғамдық жұмысқа тартылды.