«Біз кедендік құнды дәйекті декларациялау үшін кәсіпкерлердің шығындарын қалайша төмендетуге болатындығы туралы аса маңызды мәселені талқылап отырмыз. Бүгінгі күні декларациялау үшін кедендік құнды қамтитын құрамдас бөліктердің барлығы белгілі емес. Міне, осы мәселелер бойынша кейінге қалдырылған кедендік құн туралы шешім қабылдауға болады. Яғни, тауарлардың соңғы құнын кейінірек мәлімдеуге болады және мұнымен, бұл дәйекті декларациялау болып есептелмейді. Сонымен бірге бизнес бұл үшін жауапты болмайды», - деді ҚР Қаржы министрлігі Кедендік бақылау комитеті төрағасының орынбасары Дина Мамашева.
Оның айтуынша, аталған шешімді қабылдау байыпты ойластыруды талап етеді. Өйткені ол лицензиялық төлемдер, есепке алу тәртібі, бухгалтерлік, салықтық және кедендік есепке алу және басқа да арақатынастар сияқты көптеген күрделі мәселелерді қамтиды.