Бұл туралы «Бірыңғай экономкалық кеңістік. Құрылу мәселелері мен болашақ» атты тақырыпта өткен Мәскеу-Астана бейнекөпірі барысында ЕурАзЭҚ сауда саясаты департаментінің директоры Владимир Чушкин мәлім етті.
БЭК құру нәтижесінде қатысушы елдердегі халық кірісі орташа есеппен алғанда 6-7 пайызға өсетіндігін атап өткен ол: «5-6 жылдық кезеңдегі экономикалық өсімдегі үстеме ықпалдасу тетіктерімен ғана ЖІӨ-де плюс 15-16 пайыз болады деп болжануда», - деді.
Сондай-ақ В.Чушкиннің атап өтуінше, ықпалдасудың жаңа деңгейі БЭК елдеріндегі технологиялар ағыны мәселелерін реттеуге мүмкіндік берумен қатар несиелік ресурстардың арзандануына инвестициялық әлеуеттің күшеюіне ықпал етпек.