«2016 жылы байқау комиссиясының қарауына байқау тақырыбына сәйкес қазақстандық БАҚ-та (интернет-БАҚ қосқанда) жарық көрген 96 жарияланым ұсынылды. Олардың ішінен мазмұны жағынан байқауды өткізу талаптарына жауап беретін 42 материал таңдап алынды»,-дейді байқаудың ұйымдастырушылары.
«KEGOC» компаниясының баспасөз қызметінен хабарлағандай, баяндау ерекшелігі мен жанрларына сәйкес, кәсіби шеберліктерін, өзектілігін, материалдардың маңыздылығын ескере отырып, Комиссия байқауды өткізу тәртібіне сәйкес 9 (тоғыз) аталымды анықтап, «Жүйелілік және деректілік» аталымы бойынша - «ИНТЕРФАКС-ҚАЗАҚСТАН» жаңалықтар порталының редакциясын; «Өзекті жарияланым» аталымы бойынша - «Орталық Қазақстан» Қарағанды облыстық газетінің редакциясын, «Белсенді көзқарас» аталымы бойынша - «ҚазАқпарат» халықаралық ақпарат агентігінің редакциясын; «Жедел ақпарат» аталымы бойынша - LS Aqparat ақпарат агентігінің редакциясын;«Үздік салалық талдау» аталымы бойынша - «КурсивЪ» газетінің редакциясын; «Өзектілік» аталымы бойынша - Венера Гайфутдинова, «Forbes.kz» іскери журналының тілшісін; «Аймақтық шолу» аталымы бойынша - «Наша жизнь» Павлодар облыстық газетінің редакциясын; «Үздік жарияланым» аталымы бойынша «Казахстанская правда» республикалық газетінің редакциясын; «Ақпараттық қолдау» аталымы бойынша «Егемен Қазақстан» республикалық газетінің редакциясын үздік деп тапты.
Бұқаралық ақпарат құралдарының өкілдерін «KEGOC» АҚ басқарма төрағасы Бақытжан Қажиев марапаттап, еліміздің электр желісінің жай-күйін жазып жүрген журналистердің еңбегіне зор баға берді.