АЛМАТЫ. ҚазАқпарат – Алматы қаласының 2040 жылға дейінгі жаңа бас жоспары Үкіметтің шешімімен 2023 жылдың I тоқсанында бекітіледі. Бұл туралы шаһар басшысы Ерболат Досаев қалалық мәслихаттың кезектен тыс сессиясында айтты, деп хабарлайды ҚазАқпарат тілшісі.
2040 жылға дейінгі бас жоспарды бекіту – қала аумақтарының әркелкі дамуын жоюға, әлеуметтік, инженерлік және көліктік қамтамасыз ету, инфрақұрылым мәселелерін шешуге, Алматы халқының өмір сүру сапасын жақсартуға мүмкіндік береді, -
деді Алматы әкімі.
Ол сондай-ақ, қала тұрғындарының жоғары өмір сүру сапасын қамтамасыз ету, қаланың полиорталық принципін дамыту үшін заманауи урбанистік шешімдер қолданылатынын, ол үшін мегаполисте негіз бар екенін атап өтті.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.