«Қазір әзірленіп жатқан «Инвестицияның орнына тариф» бағдарламасы энергия өндіруші ұйымдардың қолданыстағы активтерін қайта жаңғыртуға және кеңейтуге мүмкіндік береді. Жыл сайынғы салаға құйылатын инвестиция көлемі 400 млрд теңгені құрайды. 2023 жылдың 1 тоқсанында елдің барлық жылу электр орталықтары мен электр желілеріне аудит аяқталады. Аудит жүргізу арқылы салаға қатысты проблемалар мен мекемелердің техникалық жай-күйі анықталады», - деді Болат Ақшолақов ОКҚ-де өткен брифингіде.
Министрдің айтуынша, энергетиканың цифрлық платформасын пайдалануға беру жоспарлануда.
«Келесі жылы электр энергетикасы саласын дамытудың 2032 жылға дейінгі тұжырымдамасы қабылданады. Сондай-ақ тәуекелдерді басқаруға және станциялардың техникалық жай-күйін бақылауға мүмкіндік беретін энергетиканың цифрлық платформасы пайдалануға берілмек», - дейді ол.
Бұған дейін Болат Ақшолақов қазақстандықтарды жарықты үнемді пайдалануға шақырған еді.