НҰР-СҰЛТАН. ҚазАқпарат - Алдағы маусымда да әлемдік футболда кездесу барысында бес ойыншыны алмастыру ережесі сақталады. Аталған шешім FIFA-ның кезекті отырысында қабылданды, деп хабарлайды ҚазАқпарат тілшісі.
Кездесу барысында бес ойыншыны алмастыру ережесін жарысты ұйымдастырушылар өзара шешеді. Бұл ереже барлығына міндетті болып есептелмейді.
Естеріңізге сала кетелік, ойыншылар алмастыру бойынша мұндай шешім коронавирус пандемиясына байланысты үзіліп қалған жарысты жалғастыру уақытында қабылданды. Ұзаққа созылған үзілістен кейін футболшыларға түсетін жүктемені азайту мақсатында осындай шешім қабылданған болатын.
Ойын барысында бес футболшыны үш мәрте үзіліс жасап алмастыру міндеттелген.
Бұдан бұрын Чемпиондар лигасы ширек финалының жеребесі тартылды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.