Кешкі алтыдан кейін тамақ ішпеген дұрыс па

Әлеуметтік желілерде сағат 18:00-ден кейін тамақ ішпеуге кеңес берілген хабарлама тарады. Онда мұндай диета салмақты азайтып қана қоймай, сауығуға көмектесетіні айтылған. Stopfake.kz бұл ақпараттың жалған екенін мәлім етті, деп хабарлайды ҚазАқпарат.  

«18:00-ден кейінгі тамақтану өте зиянды және артық салмақтың тез өсуіне әкеледі деген теорияның ғылыми негізі жоқ және 23:00-де жатып, 6:00-де тұратын қарапайым адамның «классикалық» күн тәртібіне сүйенеді. Қазірдің өзінде ескірген және жоққа шығарылған теорияға сәйкес, осы режимде соңғы рет сағат 18:00-де тамақтану арқылы 12 сағат бойы аш жүру кезеңі қалыптасады. Бұл салмақ жоғалтуға ықпал етеді екен. Шындығында, біріншіден, тамақ ішу мен аш жүру арқылы салмақ жоғалтуға болатынына ғылыми негіз жоқ. Екіншіден, егер адам 23:00-де емес, 2:00-де жатып, 10:00-де тұрса, онда 18:00-ден бастап аш жүрудің ешқандай пайдасы жоқ», - деп жазылған хабарламада.

Сонымен қатар ғалымдар салмақ жоғалту үшін сағатты емес, калорияны есептеген жөн деген қорытындыға келді. Нутрициологтардың пікірінше, ақуыздар, майлар және көмірсулар арақатынасын сақтай отырып, әр екі-төрт сағат сайын тұрақты тамақтанған дұрыс. Бұл ретте тағам тәулік уақытына қарамастан бірдей қорытылады.

«18:00-ден кейін тамақтан бас тарту ағзаның сауығуына ықпал ететініне ғылыми дәлел жоқ. Керісінше, мұндай қатаң шектеулер тамақтану тәртібінің бұзылуына, «рұқсат етілген» уақытта шамадан тыс тамақтануға және бұзылуларға әкелуі мүмкін. Олай болса, денсаулықты жақсарту және артық салмақтан арылу үшін кешкі алтыдан кейін тамақ ішпеу бойынша кеңес негізсіз», - делінген хабарламада.