ҚХА: БҚО-да «Қазақстан - менің Отаным!» атты мәдени шара ұйымдастырылды
Аталмыш кешеннің құрылтайшысы, профессор, облыстық мәслихаттың депутаты Ақсерік Әйтімовтің айтуынша, жас ұрпақты отаншылдық рухта тәрбиелеуде мұндай шаралардың маңызы зор. Елбасы тапсырмасына сәйкес Ассамблея мен Ата заңның 20 жылдығы, Ұлы Жеңістің 70 жылдығы және Қазақ хандығының 550 жылдығы сынды мерейлі мерекелерді кеңінен атап өтуге баса мән берілуде. Осы кешенде 14 мыңға жуық студент білім алса, олардың ішінде 14 ұлт өкілдері бар. Сондықтан олар татулықты ту етіп, алдағы уақытта Отанымызға қызмет етсе, басты мақсаттың орындалғаны. Осы орайда бұдан екі жыл бұрын «Достық» клубы құрылып, сол арқылы еліміздің береке-бірлігі, қазақ халқының барша жұртты ұйыстырып отырған алтын діңгек екендігі, әр ұлттың салт-дәстүрі, мәдениеті үзбей насихатталуда. Бұл оқу орны студенттері дайындаған концертте де көрініс тапты.
Қазақстан халқы БҚО ассамблеясы төрағасының орынбасары, хатшылық меңгерушісі Ғайса Қапақов, ассамблея мүшелері, этномәдени бірлестіктер жетекшілері Вера Шохина, Данильбек Саратов Елбасы бастамасымен құрылған Қазақстан халқы Ассамблеясының осындай оқу орындарымен байланысты одан әрі өрістетіп, алдағы уақытта да мәнді шараларды бірлесіп ұйымдастыратынын атап өтті. Бұл ретте облыстық ассамблея мүшелерінің студент жастармен жиі кездесіп, ақыл-кеңестерін айтып, үлгі-өнеге көрсетуінің мәні ерекше. Осындай жүздесулерде студенттер мен магистранттар да өз ұсыныс-пікірлерін білдіріп, тың жобаларын ұсынуда.
Шара барысында «Достық» студенттер клубы әзербайжан және неміс этномәдени орталықтарының басшылары Райса Шахгулари мен Алексей Шагиев, «Көркем» би ансамблі және «Ару аналар» ансамблі өнер көрсетіп, достық пен бірлікті ту етті.