«Клубты жастар басқаруы тиіс. Біз, аға буын оларға кеңес беріп, жастар жұмыс істеуі қажет. Ассамблеямен бірлесіп осы жағын ойластырсақ деймін», - деп ұсыныс білдірді ол. Ғ.Шалахметов Қазақстанда 15 тілде 60 БАҚ (оның ішінде 37 газет, 26 сайт) жұмыс істейтінін айтып өтті. Газет-журналдар 11 тілде шығады, радиохабар таратылымы 8 тілде, телехабар тарату 7 тілде жүргізіледі. «Ассамблея жанында «Достық» журналы жарық көреді. Осыған қосымша шығару қажет. Әрі, егер қазақстандық республикалық газеттерде аптасына бір рет басқа этнос басылымдарынан материалдар жарияланса, құба-құп болар еді. Республикалық басылымдарда олардың мақалалары жарық көріп тұрса, бұл түрлі этонстардың мақтаныш сезімін оятады», - деді журналистік клуб төрағасы.
20:39, 26 Маусым 2015
ҚХА журналистер мен сарапшылар клубын жастар басқаруы тиіс - Ғ.Шалахметов
АСТАНА. ҚазАқпарат - Қазақстан халқы Ассамблеясының Журналистер мен сарапшылар клубын жастар басқаруы тиіс. Бұл пікірімен елордадағы Тәуелсіздік сарайында өткен отырыста клуб төрағасы Ғаділбек Шалахметов бөлісті.