ҚХЛ: «Барыс» алты ойынға созылған сәтсіздік сериясын тоқтатты
АСТАНА. KAZINFORM — Қазақстандық «Барыс» командасы бүгін, яғни 16 қазанда Құрлықтық хоккей лигасындағы кезекті ойынын елордада Ресейдің «Авангард» (Омбы) командасына қарсы өткізді.
Фото: Виктор Федюнин / Kazinform
Алғашқы минуттан қазақстандық команданың белсенділігі байқалды. Қазірге дейін қатарынан алты мәрте жеңілістің ащы дәмін татқан елордалық клуб бұл жолы сол сәтсіздікке нүкте қоюға күш салды. Омбылық клуб та осал қарсылас емес-ті. Турнир кестесінде екінші орында келе жатқан еді.
Фото: Виктор Федюнин / Kazinform
Соған қарамастан қазақстандық команда жинақы қимыл көрсетіп, жақсы ойын өрнегін көрсетті.
Фото: Виктор Федюнин / Kazinform
Ойынның 4-минутында Райли Уолш есеп ашса, 5-минутта Мэйсон Морелли көздеген нысанадан мүлт кеткен жоқ.
Фото: Виктор Федюнин / Kazinform
Одан кейін «Авангард» сапынан Николай Прохоркин 13, Дамир Шарипзянов 34-минутта екі гол соғып, таразы басын теңестірді.
Ал үшінші кезеңде елордалық команда қатарынан үш шайба соғып кетті. Оны Майк Веккионе 41, Әділ Бекетаев 43, Всеволод Логвин 51, Дінмұхамед Қайыржан 57-минутта мергендік танытты.
Фото: Виктор Федюнин / Kazinform
Осылайша «Барыс» қарсыласынан 6:2 есебімен басым түсті.
Елордалық клуб енді алдағы ойынын елордада 24 қазанда Ресейдің «Амур» (Хабаровск) клубына қарсы өткізеді.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.