АСТАНА. KAZINFORM - Қазақстандық «Барыс» командасы бүгін, яғни 29 қыркүйекте Құрлықтық хоккей лигасындағы кезекті ойынын елордада Ресейдің «Адмирал» (Владивосток) командасына қарсы өткізді.
Фото: Виктор Федюнин / Kazinform
Кездесу барысында қазақстандық команда жылдам гол соғуға тырысты. Дегенмен бірінші кезеңде таблодағы есепке өзгеріс енген жоқ.
Фото: Виктор Федюнин / Kazinform
Екінші кезеңде елордалық хоккейшілер басымдықты арттыра түсті. Нәтижесінде 26-минутта Мэйсон Морелли есеп ашса, 37-минутта Всеволод Логвин мергендік танытты.
Фото: Виктор Федюнин / Kazinform
Үшінші кезеңде ресейлік команда таразы басын теңестіруге ұмтылды. Дегенмен оған қазақстандық команда ойыншылары лайықты тойтарыс бере білді. Есесіне 57-минутта елордалық Аңсар Шайхмедденов басымдықты арттырды.
Фото: Виктор Федюнин / Kazinform
Осылайша «Барыс» қарсыласынан 3:0 есебімен басым түсті.
Фото: Виктор Федюнин / Kazinform
Енді елордалық клуб алдағы ойынын Астанада 1 қазанда Ресейдің «Локомотив» (Ярославль) командасына қарсы өткізеді.
Айта кетсек, биыл елордалық клубпен АҚШ хоккейшілері Иэн Маккош, Майкл Веккьоне, Райли Уолш, Тайс Томпсон, канадалық Джейк Масси, ресейлік Владимир Волков, Эмиль Галимов, қазақстандық Кирилл Панюков, Кирилл Савицкий, Батырлан Мұратов, Роман Старченко және өзге де ойыншылар келісімшартқа қол қойды.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.