ҚХЛ: «Барыс» елордада «Металлург» командасына есе жіберді
АСТАНА. KAZINFORM - Қазақстандық «Барыс» командасы бүгін, яғни 17 ақпанда Құрлықтық хоккей лигасындағы кезекті ойынын елордада Ресейдің «Металлург» (Магнитогорск) командасына қарсы өткізді.
Фото: Виктор Федюнин / Kazinform
Кездесу барысында қазақстандық команда белсенді бастады. Нәтижесінде олардың қатарынан 14-минутта Михаил Рахманов мергендік танытты.
Ал «Металлург» сапынан Алексей Маклюков 26, Андрей Козлов 34-минутта гол соғып кетті.
Ойынның 34-минутында ресейлік клубтан Денис Зернов қорытынды есепті белгіледі.
Фото: Kazinform
Осылайша «Барыс» қарсыласына 1:3 есебімен есе жіберді.
Айта кетсек, елордалық клуб бұдан кейінгі екі ойынын елордада өткізеді. Алдымен 20 ақпанда «Северсталь» (Череповец) командасымен кездессе, одан кейін 22 ақпанда «Адмирал» (Владивосток) клубымен ойнайды.
Фото: Kazinform
Еске салсақ, бұдан бұрын «Барыс» елордада «Лада» клубынан жеңіліп қалды.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.