АСТАНА. KAZINFORM - Қазақстандық «Барыс» командасы Құрлықтық хоккей лигасындағы кезекті ойынын елордада Ресейдің «Авангард» (Омбы) командасына қарсы өткізді.
Елордалық клуб кездесуді белсенді бастады. Алғашқы болып есеп ашты. Ойынның 16-минутында Аркадий Шестаков мергендік танытты.
Одан кейін реесйлік команда қатарынан үш шайба соғып кетті. Оны Михаил Гуляев 26, Николай Прохоркин 30, Сергей Бойков 59-минутта өзінің еншісіне жазды.
Осылайша елордалық клуб қарсыласына 1:3 есебімен есе жіберді.
Турнир кестесінде «Барыс» 56 ойыннан кейін 44 ұпаймен 21-орында тұр.
Қазақстандық ұжым енді алдағы төрт ойынды да елордада өткізеді.
Алдымен 4 және 6 ақпанда «Амур» (Хабаровск) клубымен кездессе, 8 ақпанда СКА (Санкт- Петербург), 10 ақпанда «Спартак» (Мәскеу) клубтарымен ойнайды.
Еске салсақ, бұдан бұрын «Ак Барстан» төртінші мәрте жеңілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.