АСТАНА. KAZINFORM — Құрлықтық хоккей лигасының тұрақты чемпионатында бүгін «Барыс» Мәскеуде ЦСКА командасымен кездеседі.
ЦСКА – «Барыс» матчы Қазақстан уақытымен сағат 18.50-де басталып, «Qazsport» телеарнасынан тікелей эфирде көрсетіледі.
Мәскеулік команда 37 ұпаймен Батыс конференциясында 5-орында келеді. Ал астаналықтар небәрі 21 ұпаймен Шығыс конференциясында 11-сатыда тұр.
ЦСКА соңғы жеті кездесуінің бесеуінде қарсыластарын қапы қалдырса, «Барыс» қатарынан төрт рет жеңілді.
Бұл қос клубтың биылғы маусымдағы өзара алғашқы ойыны болмақ.
Ғалым Мәмбетәлиевтің шәкірттері бұдан кейін Астанаға оралып, 4 желтоқсан күні тағы бір мәскеулік команда – «Спартакты» қабылдайды.
Еске сала кетейік, бұдан бұрын «Барыстың» қатарынан төрт рет жеңіліс тапқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).