АСТАНА. KAZINFORM — Құрлықтық хоккей лигасының тұрақты чемпионатында Мәскеуде «Барыс» жергілікті ЦСКА командасымен айдынға шықты.
Мамандар мәскеулік команданы фаворит деп есептеген болатын. Сол пікір расқа шықты.
Бірінші кезеңде айдын иелерінен Максим Мамин есеп ашты. Үшінші таймда олар есепті 3:1-ге жеткізді. ЦСКА-дан Егор Фатеев пен Константин Окулов көзге түссе, «Барыстан» Антон Бурдасов жауап қайырды.
Осылайша, Ғалым Мәмбетәлиевтің шәкірттері бесінші рет қатарынан жеңіліп қалды.
«Барыс» 4 желтоқсанда елордада Мәскеудің «Спартак» командасын қабылдайды.
Еске сала кетейік, бұдан бұрын «Барыстың» қатарынан төрт рет жеңіліс тапқанын жазған болатынбыз.
Сонымен қатар, «Барыс» Мәскеуде ЦСКА командасымен шеберлік байқасады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).