АСТАНА. KAZINFORM — Қазақстандық «Барыс» командасы бүгін, яғни 15 наурызда Құрлықтық хоккей лигасындағы кезекті ойынын Ресейде «Амур» (Хабаровск) командасына қарсы өткізді.
Кездесу барысында ресейлік хоккейшілер белсенділік көрсетті. Қатарынан төрт шайба соғып, жеңісті жақындата түсті. Олардың қатарынан Олег Ли 1, 21, Владислав Барулин 5, Евгений Грачёв 11-минуттарда мергендік танытты.
Оған «Барыс» сапынан Роман Старченко 36, Дінмұхамед Қайыржан 42-минутта екі голмен жауап қайырды.
Ойынның 57-минутында ресейлік клубтан Олег Ли кездесу барысында хет-триктің авторы атанды.
Осылайша елодалық команда қарсыласына 2:5 есебімен есе жіберді.
Енді «Барыс» бұдан кейін ҚХЛ-дың тұрақты кезеңінде үш ойынын өткізеді.
Алдымен Ресейде 17 наурызда «Сибирь» (Новосібір) командасымен ойнаса, одан кейін елордада 20 наурызда Ресейдің «Ак барс» (Қазан), 22 наурызда «Салават Юлаев» (Уфа) клубтарымен кездеседі.
Еске салсақ, бұдан бұрын «Барыс» буллиттен «Адмиралды» жеңді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.