НҰР-СҰЛТАН. ҚазАқпарат - Бүгін елордалық «Барыс» құрлықтық хоккей лигасындағы кезекті кездесуінде Латвияның «Динамо» (Рига) командасымен шеберлік байқасты, деп хабарлайды ҚазАқпарат тілшісі.
«Динамо» биыл сәтсіз ойын көрсетіп келеді. Нәтижесінде турнир кестесінде соңғы орындарда тұр. Десе де бүгінгі кездесуде елордалық клубқа лайықты қарсылық көрсетті.
Ойынның бірінші кезеңінің 8-минутында «Барыс» хоккейшісі Максим Семенов 10-минутта айыппен жазаланды. Ал 12-минутта «Динамо» сапынан Кирилл Слепец мергендік танытты. Осылайша бірінші кезең латыш хоккейшілерінің басымдығымен аяқталды.
Екінші және үшінші кезеңдерде «Барыс» таразы басын теңестіруге ұмтылған болатын. Дегенмен ойлаған мақсатына жете алмай жатты.Нәтижесінде «Барыс» 2020 жылдың алғашқы кездесуінде қарсыласына 0:1 есебімен жол берді.
Енді «Барыс» келесі екі ойынын сыр айдында өткізеді. Алдымен 6 қаңтарда Ресейдің «Авангард» (Омбы командасымен кездесе), 8 қаңтарда «Нефтехимик» (Нижнекамск) командаларымен шеберлік байқасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.