НҰР-СҰЛТАН. ҚазАқпарат - Құрлықтық хоккей лигасының кезекті турында астаналық «Барыс» Магнитогорскіде «Металлург» командасымен кездесті, деп хабарлайды ҚазАқпарат.
«Металлург» Шығыс конференциясында көшбастаушы командалардың бірі болса, елордалық клуб 8-інші сатыда тұрған еді.
Ойын басталысымен санаулы секундтардан кейін Әлихан Әсетов есеп ашты. Бұған айдын иелерінен Никита Коростылев жауап берді.
Екінші таймда «Барысты» Якоб Лилья қайта алға шығарды. Дегенмен, «Металлург» есепті теңестірді. Бұдан кейін Антон Сагадиев мергендік танытты – 3:2.
Үшінші кезеңде «Металлург» командасы таразы басын теңестірді. Овертаймда Якоб Лильядан пас алған Линден Вей жеңіс голын соқты. Қорытынды есеп – 4:3.
Осылайша, Юрий Михайлистің шәкірттері «Металлургті» қатарынан екі рет жеңді.
Еске сала кетейік, бұдан бұрын, «Барыстың» Магнитогорскіде «Металлург» командасымен кездесетінін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).