НҰР-СҰЛТАН. ҚазАқпарат - «Барыс» құрлықтық хоккей лигасында бүгін Ресейдің «Салават Юлаев» (Уфа) командасымен кездесті, деп хабарлайды ҚазАқпарат тілшісі.
Бүгінгі кездесуді «Барыс» сәтті бастаған еді. Ойынның 8-минутында Роман Старченко есеп ашты. Ал 13-минутта уфалық команда сапынан Тезму Хартикайнен таразы басын теңестірді.
Екінші кезеңде екі команданың да гол соғатын бірнеше мүмкіндігі болған еді. Есесіне 26-минутта ресейлік Дмитрий Кугрышев «Салават Юлаевты» алға шығарса, 32-минутта Александр Кадейкин есепті үстемелей түсті.
Үшінші кезеңде де айдын иелері басымдығын көрсетті. Ойынның 49-минутында Михаил Воробьёв «Салават Юлаевтың» басымдығын арттыра түсті. «Барыс» қарсыласынан 1:4 есебімен жеңіліп қалды.
Осылайша «Барыс» қатарынан төртінші мәрте жеңілді. Елордалық клуб бұдан бұрын «Авангардтан» жеңіліп қалды.
Енді «Барыс» 24 қарашада Ресейдің Санкт-Петербург қаласында СКА командасымен кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.