НҰР-СҰЛТАН. ҚазАқпарат - Елордалық «Барыс» құрлықтық хоккей лигасында бүгін Ресейде Новосібір қаласының «Сибирь» командасымен кездесті, деп хабарлайды ҚазАқпарат тілшісі.
Бұл кездесуде ресейлік клуб жинақы ойын көрсетті. Нәтижесінде 23-минутта олардың қатарынан Никита Шашков есеп ашты. Ал 31-минутта «Барыс» хоккейшісі Якоб Лилья таразы басын теңестірді.
Ойынның 33-минутында «Сибирь» сапынан Егор Миловзоров командасы алға шығарды. Кездесудің бітуіне 37 секунд қалғанда ресейлік тағы бір хоккейші Олег Ли қорытынды есепті белгіледі.
Осылайша «Барыс» қарсыласына 1:3 есебімен есе жіберді.
Айта кетерлігі, елордалық клуб қатарынан үш тур бойы жеңіске жете алмай келеді.
Естеріңізге сала кетелік, екі команда бұған дейін 37 мәрте кездесті. Оның 14-і «Барыстың» жеңісімен аяқталса, қалғанында «Сибирь» жеңіске жетті.
Фото: www.hcbarys.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.