НҰР-СҰЛТАН. ҚазАқпарат - «Барыс» өз айдынында «Динамо» (Рига) командасын қабылдады, деп хабарлайды ҚазАқпарат тілшісі.
Бірінші кезеңде 17-минутта елордалықтар капитаны Роман Старченко есеп ашты.
Екінші таймда Антон Сагадеев есепті еселегенімен, қонақтардан Мартиньш Карсумс жауап гол соқты. Дегенмен Р.Старченко тағы да мергендік танытты - 3:1.
Үшінші кезең Юрий Михайлис шәкірттерінің толықтай басымдылығымен өтті. Әуелі Якоб Берглунд көзге түсті. Сосын Никита Михайлис қатарынан екі голдың авторы атанды. Матчтың аяқталуына санаулы секундтар қалғанда, Роман Савченко нүкте қойды - 7:1.
Осылайша 45 ойыннан кейін 44 ұпай жинаған «Барыс» Шығыс конференциясында сегізінші орынға нық жайғасты.
Елордалықтар келесі бәсекені 5 желтоқсан күні өз айдынында ҚХЛ көшбасшыларының бірі - «Металлург» (Магнитогорск) клубымен өткізеді.
Еске сала кетейік, бұдан бұрын «Барыстың» жылдың алғашқы матчын Риганың «Динамо» командасымен өткізетінін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).