НҰР-СҰЛТАН. ҚазАқпарат – «Барыс» жылдың алғашқы матчын өз айдынында Риганың «Динамо» командасымен өткізеді, деп хабарлайды ҚазАқпарат тілшісі.
Ойын елорда уақытымен сағат 17.00-де басталып, Qazsport телеарнасынан тікелей эфирде көрсетіледі.
Юрий Михайлистің шәкірттері 44 бәсекеден кейін 42 ұпай жинап, Шығыс конференциясында сегізінші орында келеді.
Ригалықтар 43 ойыннан кейін 37 ұпаймен Батыс конференциясында 12-сатыда тұр.
«Барыс» жаңа жылдың алдында өз айдынында «Салават Юлаевқа» тартысты ойында 1:2 есебімен есе жіберсе, «Динамо» сырт айдында овертаймда Нижний Новгородтың «Торпедосын» (4:3) ұтты.
Қарсыластар қыркүйекте Ригада кездесіп, онда айдын иелері 3:2 есебімен жеңіске жеткен еді. Сондықтан бүгінгі ойын «Барысқа» оңайға түспейді.
Еске сала кетейік, бұдан бұрын «Барыстың» «Салават Юлаев» командасына есе жібергенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).