НҰР-СҰЛТАН. ҚазАқпарат - Бүгін елордада өтетін «Барыс» пен «Куньлунь Ред Стар» командалары арасындағы кездесуге белгіленген екі төрешінің сынама тесті оң нәтижесін көрсетті. Олардың науқасы симптомсыз екені белгілі болды, деп хабарлайды ҚазАқпарат тілшісі.
Бұл жөнінде «Барыс» командасының баспасөз қызметі мәлім етті. Олардың аты-жөні жарияланған жоқ.
Бүгінгі ойында аралас төрешілер бригадасы қызмет көрсетеді. Мұз айдынында Денис Бондарь мен Владимир Суслов бас қазы болса, Дмитрий Головлёв пен Антон Боряев линиялық шепте төрешілік етеді.
Бұл ойын елорда уақытымен 19.30-да басталады. Ойын Qazsport телеарнасынан тікелей эфирде көрсетіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.