НҰР-СҰЛТАН. ҚазАқпарат - Елордалық «Барыс» командасының қатысуымен өтетін Құрлықтық хоккей лигасы плей-офф сатысы бірінші кезеңінің ойын кестесі белгілі болды. Бұл жөнінде клубтың баспасөз қызметінен мәлім етті, деп хабарлайды ҚазАқпарат тілшісі.
Жарыстың аталған сатысында Ресейдің «Металлург» командасымен кездеседі.
Алғашқы екі ойын 1 және 3 наурыз күндері Магнитогорск қаласында өтеді. Одан кейінгі екі кездесу 5 және 7 наурызда елордада болады.
Алғашқы төрт кездесуде жеңімпаз анықталмаған жағдайда, одан кейінгі ойындар 9 наурызда Магнитогорскіде, 11 наурызда Нұр-Сұлтанда, 13 наурызда Магнитогорскіде өтеді.
Айта кетсек, «Барыс» шығыс конференциясында сегізінші орынға тұрақтаса, «Металлург» екінші орынға табан тіреді.
Еске салсақ, плей-офф сатысы алдында «Барыс» үш жолдастық кездесу өткізеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.