НҰР-СҰЛТАН. ҚазАқпарат - Елордалық «Барыс» құрлықтық хоккей лигасындағы алғашқы кездесуінде Латвияның «Динамо» (Рига) командасымен ойнайды, деп хабарлайды ҚазАқпарат тілшісі.
Бұл жөнінде команда басшылығы мәлім етті. Ойын 3 қыркүйекте өткізіледі. Кездесу қайда болатыны жөнінде әзірге нақты шешім жоқ. Өйткені, коронавирусқа байланысты «Барыс» әзірге өз айдынында қабылдай алмайды. Құрлықтық хоккей лигасының алдағы маусымдағы толық ойын күнтізбесі бүгін кешке дайын болады.
Клуб басшылығы «Барыс» 5-20 тамыз аралығында оқу-жаттығу жиынын өткізетін хабарлады. Ал 21 тамызда Өскеменнің «Торпедо», 27 және 29 тамыз күндері Қарағандының «Сарыарқа» командаларымен жолдастық кездесу өткізеді. Елордалық клуб 31 тамызда Ресейдің «Автомобилист» клубымен мұз айдынға шығады.
Бас бапкер Юрий Михайлис шетелдік хоккейшілер 10 тамызда клуб құрамына қосылатынын жеткізді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.