ОРАЛ. 1 шілде. ҚазАқпарат - Қант диабетімен сырқаттанатын батысқазақстандық мүгедек спортшылар Киев қаласында шағын футболдан өтетін «Диевро-2012» халықаралық біріншілігіне қатысады.
Дүниежүзілік денсаулық сақтау ұйымының деректері бойынша әлемде жыл сайын 8 млн. астам адам қант диабетімен ауырады. «Диабет» қоғамдық бірлестігінің төрайымы Тамара Истоминаның айтуынша, бұл ретте салауатты өмір салтын орнықтырудың маңызы зор. Батысқазақстандық команданы дәрігер мен жаттықтырушы алып жүрмек.
Түрлі елдердегі диабет қоғамдары бір-бірімен тығыз байланыс жасауға ділгер. Осы орайда Украина диабетикалық қауымдастығы да қазақстандықтарды қолдап отырады.
Еуропа чемпионатынан кейін өтетін аталмыш жарысқа украиндықтар мен қазақстандықтардан басқа Беларусь, Италия, Польша, Хорватия, Словакия және Өзбекстан елдерінен барлығы тоғыз команда қатысады.
Батысқазақстандық команда 1 шілде күні аттанады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).