АСТАНА. ҚазАқпарат - Киевтегі тәртіпсіздіктер барысында 5 журналист зардап шекті, деп хабарлады Украинаның денсаулық сақтау министрлігінен.
Бұған дейін «Вести» газетінің тілшісі қаза болғандығы жария етілген еді.
«Денсаулық сақтау мекемелеріне жатқызылғандардың арасына 79 құқық қорғау органының қызметкері, 5 журналист, 1 депутат және 18 жасқа толмаған 3 жасөспірім бар», - делінген хабарламада.
Сондай-ақ министрлік жалпы 351 адамның зардап шеккенін, 25 адамның мерт болғанын да жария етіп отыр.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.