АСТАНА. ҚазАқпарат - Франция құрамасының шабуылшысы Килиан Мбаппе әлем чемпионаты финалында хет-трик авторы атанған екінші футболшы атанды, деп хабарлайды ҚазАқпарат тілшісі.
Францияның ПСЖ клубының шабуылшысы бүгін финалдағы Аргентинамен кездесуінде қарсыластар қақпасын үш мәрте дәл көздеді. Ол 80, 118-минуттарда пенальтиден мүлт кетпесе, 81-минутта ойын барысында гол соқты.
Осылайша Аргентина мен Франция кездесуі 3:3 есебімен аяқталып, пенальти тебуде Аргентина чемпиондық атаққа қол жеткізді.
Бұдан бұрын финалда англиялық Джефф Херст 1966 жылы финалда ФРГ құрамасына қарсы ойында хет-триктің авторы атанып, сол жолы Англия әзірге жалғыз мәрте чемпион болған еді.
Әлем чемпионатында үздік сұрмергенге берілетін «Алтын бутса» иегері атанды.
Ол доп додасында барлығы сегіз гол соқты.
Сондай-ақ, футболдан әлем чемпионатында соғылған гол бойынша рекорд жаңарды.
Фото:AURELIEN MEUNIER/GETTY IMAGES
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.